4:40 ص
Unknown
المصري وبس !!
عادات المصرى : --
- ييجي بعد معاده بساعتين ويفتكر إن ده عادي .
l- ممكن يكون عنده 35 سنه ولسه عايش مع أمه وأبوه وماعندهوش مشكلة .
- عنده استعداد يشخص المرض ويوصفلك الدوا. ويفهم في الكهربا والنقاشة ويصلح العربيات ويفهم فى الطبيخ والسياسة والكورة وهو أبيض ياورد .
- بيحط الريموتكونترول في كيس بلاستيك كعادة فرعونية .
- يقف يتكلم على الباب نص ساعة بعد إنتهاء الزيارة والسلام .
- لمّا تفتح نملية المطبخ تلاقي عنده عشرين برطمان بتاع مربى فاضي وغيره بقالهم سنين ومازال مُصِر على جمع المزيد من ذلك .
- عنده إصرار لسه إنه يتكلم بصوت عالي في التليفون لما تكون المكالمة دولية عشان التاني يسمعه كويس .
- فاهم نفسه أحسن واحد بيعرف يشترى ويفاصل وبعد كده يكتشف إن الحاجة في المحل اللي جنبه أرخص من غير فصال .
- بيحتفظ بأكياس محلات اللبس والأحذية وورق الهدايا تحت مرتبة السرير لسنين ومابيستخدمهاش .
- عنده صينية مكسرات متقسمة لتلات او أربع أقسام لزوم المزاج وعمره ماإستخدمها
- بيشتري قبل الفطار في رمضان مواد إستهلاكية أصلا موجوده عنده في البيت لسه ماستخدمهاش .
- بيكون عنده شواية لزوم الرحلات أقصى استخدام لها كان مرة واحدة في العيد .
- بيشيل طابع البريد من على الظرف لو الختم ماكانش عليه . ههههه
- بيفتكر إن أي حد بيشتغل في الخارج هيرجع ومعاه شنط مليانه فلوس .
- بيكون مشغول بقيمة التيبس أو البقشيش طول الغدا ياترى ربع جنية ولا نص جنية .
برده بيتخانق ساعة دفع الحساب بحرارة شديدة على إنه هو اللي لازم يدفع .
- بيفرش ملاية سرير على طقم الأنتريه عشان يفضل نضيف لما ييجي ضيوف ومابيشيلهاش لما ييجوا .
وااأخيرا
 |
تصنيف : منوعات
.jpg)
